жылжымалы байланыс құралдары

(Подвижные средства связи)

оперативтік құжаттар және басқа да қызметтік құжаттарды жеткізуге арналған көлік құралдары. Ұлы Отан соғысы кезінде бірлестіктер, құрамалар мен бөлімдер арасында жылжымалы құралдармен байланыс осьтік, шеңберлік маршруттармен және бағыттармен ұйымдастырылды. Басқару пункттері маңында, сонымен қатар байланыс осі бойында пакеттерді жинау, сұрыптау және жіберу үшін ақпараттар жинау пункттері құрылды. Жинау пункттерінің құрамында хабарларды тіркеу экспедициясы, көлік құралдары, фельдъегерлер және қорғаушы күзет болады. Жинау пункттеріне жақын маңда байланыс ұшақтарын қабылдау үшін ұшып-қону алаңдары жабдықталды.

Қазіргі уақытта Ж.б.қ. ретінде пойыздар, автомобильдер, бронетранспортерлер, мотоциклдер, ұшақтар, тікұшақтар мен байланыс катерлері, ал кейбір жағдайларда ұрыс ұшақтары, танктер және кемелер қолданылады. Ж.б.қ., әдетте, әскери жолдармен жүруге айрықша құқылы болғанмен, көлік құралдарында арнайы тану белгісі немесе рұқсат қағазы болуы керек. Қазақстан Республикасында Ж.б.қ. мен әскери пошталық байланыс фельдъегерлік-пошталық байланыс қызметі болып біріктірілген.